bergbau

Цагаан толгойн сургалтын дэвтэр 2017

Манай холбооны удирдах зөвлөлийн гишүүн, Солонго сургуулийг үүсгэн байгуулагчдын маань нэг Ө.Оюунтүлхүүр маань өөрийн заах аргачлал, олон жилийн туршлага дээрээсээ үндэслэн хилийн чанадад амьдарч буй Монгол хүүхдүүдийн орчин, нөхцөлд тохируулж зохиосон Цагаан толгойн дараах сургалтын дэвтрийг боловсруулан хэвлүүллээ.

 

Энэ дэвтрээ дэлхийн 16 оронд монгол хэл, соёлын сургалт явуулж буй 50 гаруй сургуулиудын сургалтанд зориулан агуулга, цагийг тохируулж, өнгөрсөн жил Германы сургуулиуддаа туршилтаар хэрэглэсэн болно.

Мөн бие даан хүүхэддээ монгол хэл заах эцэг эхчүүд авч хэрэглэж болно. Үндсэн 5 сэдвийн дагуу мэдлэг олгохоос гадна зөв бичих, унших, ярих, сонсох, хэлбэрүүдийг хамруулан, аль болох энгийн үг хэллэг бүхий, сэдэвтэйгээ холбоотой тоглоомын дасгалуудыг голлон оруулж өгсөн.

Ө.Оюунтүлхүүртээ баяр хүргээд цаашдынх нь хичээл зүтгэлд нь өндөр амжилт хүсье!

Монголоос уг дэвтрийг худалдан авах сургууль, эцэг эх, хувь хүмүүс, багш нар 99033093, 91091929 утсаар холбогдоно уу.

Энэ дэвтрийг бэлтгэн хэвлүүлэхэд манай холбооны удирдах зөвлөлийн дарга Д.Гүнцэцэг редакторлож, мөн холбооны зүгээс болон Солонго Сургууль маань санхүүгийн дэмжлэг үзүүлсэн болно.

 

Сайн үйлс дэлгэрэх болтугай!